Arwisgo - posteri gwylio'r gwylwyr!
Bydd yn ddeugain mlynedd ers Arwisgo y Tywysog Charles yn Dywysog Cymru yng Nghaernarfon y dydd cyntaf o Orffennaf.
Yr oedd y cyfnod a arweiniodd at Orffennaf 1, 1969, yn un cyffrous a digon chwerw yn aml.
Er i'r rhan fwyaf o bobl wirioni gyda'r 'Prins' newydd yr oedd digon a oedd yn wrthwynebus hefyd ac mae digon o bobl a chanddynt fawr i'w ddathlu ar y deugeinfed pen-blwydd - ond digon i'w gofio.
Efallai y bydd rhai ohonoch yn cofio'r posteri Mae'n Drosedd bod yn Gymro ac If you're Welsh you're Watched a gyhoeddwyd ar y pryd.
Cynhyrchwyd y rheini yn sgil yr holl amheuon, sibrydion a hyd yn oed baranoia oedd yna yngly^n â "heddlu cudd" a oedd yn gweithredu o Amwythig dan arweiniad uchel swyddog o'r enw Dixon.
"Dicsi'r glust," mewn cân boblogaidd ar y pryd gan y Dyniadon Ynfyd Hirfelyn Tesog.
Yn ôl y poster Cymraeg; "Mae unrhyw un sy'n beiddio dangos ei fod yn Gymro, yn awr mewn perygl cael ei gipio gan heddlu cudd Dixon, o Amwythig. A'r trosedd? Digon hawdd ffeindio un."
Ac yn y Saesneg: "Dixon's secret police, based in Shrewsbury, are now watching, filing, following all Welsh persons suspected of holding patriotic views. When they want to, they make arrests; and sometimes even frame the charges."
Y posteri, gyda llaw, yn costio chwe cheiniog yr un gyda phedair ceiniog o gludiant am 15 a mwy o Wasg Y Lolfa yn Nhalybont, Ceredigion!
Tybed faint ohonyn nhw sydd ar ôl? Oes gennych chi un?
Beth yw eich atgopfion chi o gyfnod yr arwisgo?
