Meistr parcio
Dywydd fel hyn gyda stiwardiaid y meysydd parcio mae fy nghydymdeimlad i.
Wn i ddim pwy yn union sydd mewn gofal o barcio yn Y Bala ond pwy bynnag yw - a chyn gystled yw - rwy'n teimlo i'r Steddfod golli cyfle peidio a gwahodd Gwilym Euros Roberts i ysgwyddo'r baich yn enwedig gan fod y Blaenau yn nalgylch yr Å´yl.
Nid yn unig mae o wedi dangos dycnwch arbennig ynglŷn â pharcio yn ddiweddar ond wedi profi hefyd y gall o dynnu llun cerbydau troseddwyr a throi 'trosedd' yn yn bwnc trafod a llythyru mewn papur newydd.
A dwi'n siŵr y byddai o wedi trefnu cornel glud - a chlyd hefyd siŵr o fod - i Ddafydd Iwan adael ei gerbyd ar gyfer cyngerdd Sain yn ddeugain oed nos Lun.
Gallem weld gwawrio Oes Eur Parcio Taclus!
