Sarah yw'r seren
Saith oed ydi Sarah Louise Davies o Synod Inn. Ond fe ges i fy synnu gan ei hagwedd broffesiynol.
Dyna le 'roedd hi'n sefyll ar ganol y llwyfan enfawr yn barod i adrodd. Yn wir 'roedd hi wedi dechra' pan glywodd hi sŵn o 'r ochr. Oedodd gan edrych i gyfeiriad y sŵn, cystal â dweud: "Fy moment fawr i ydi hon, 'newch chi fod yn ddistaw."
Yna heb frys na braw ail gychwynnodd a chwblhau'r darn heb faglu. Efallai iddi gael y drydedd wobr am adrodd ond roedd hi'n haeddu'r wobr gyntaf am ddewrder.
Da iawn Sarah.
Hanesion 
SylwadauAnfon sylw
Cytuno'n llwyr. 'Roedd Sara yn werth ei gweld gydag Anti Letty a Nia yn "browd" iawn (er ddim mor falch a Mamgu a Dadcu Ffostrasol dwi ddim yn credu!). Da iawn ti Sara. Gobeithio cawn ni'r pleser o dy weld di ar y llwyfan mawr 'na heddiw eto gyda dy ddawnsio egniol!