Coch a Gwyrdd- Llywodraeth nesa Cymru?
Buodd na briodfab a phriodferch fwy annhebyg erioed? Ar ôl treulio misoedd yn cyhuddo Plaid Cymru o gynllwynio i gefnogi clymblaid o dan arweinyddiaeth y Torïaid mae'n ymddangos bod Llafur nawr yn ystyried troi at y Blaid ei hun mewn ymdrech i barhau i lywodraethu.
Dwi'n cael ar ddeall bod Llafur Cymru yn ystyried ceisio dod i gytundeb â Phlaid Cymru os ydy hi'n colli ei mwyafrif. Mae ffynonellau sy’n uchel o fewn y Blaid wedi dweud wrtha i eu bod yn ystyried troi at Blaid Cymru am gefnogaeth yn hytrach nac at ei phartneriaid arfaethedig yn y Democratiaid Rhyddfrydol.
Deallaf fod Llafur wedi cael llond bol o'r hyn y maen nhw'n ystyried yn agwedd drahaus y Democratiaid Rhyddfrydol a'r ffordd y mae'r blaid honno yn cymryd yn ganiataol mae hi fyddai dewis cyntaf Llafur fel partner.
Yn ôl ffynonellau Llafur does 'na ddim posibilrwydd o glymblaid ffurfiol â Phlaid Cymru ond gallai rhyw fath o gytundeb rhwng y pleidiau fod ar yr agenda. Yn gyhoeddus mae Plaid Cymru yn mynnu ei bod yn fodlon trafod ac unrhyw un o'r pleidiau eraill ar ôl yr etholiadau a deallaf taw consesiynau polisi sylweddol ac nid seddi cabinet fyddai'r pris am gytundeb.
Golygydd Materion Cymreig y Â鶹¹ÙÍøÊ×Ò³Èë¿Ú yn blogio'n rheolaidd ar faterion gwleidyddol Cymru.
SylwadauAnfon sylw
Y gwir ydi bod rhaid i Lafur ystyried yr opsiwn os am aros mewn llywodraeth am nad yw'n glir os bydd ganddyn nhw a'r Lib Dems ddigon o seddi rhyngddynt i ffurfio llywodraeth ar Fai 4.
Yikes, 'sterling work' Sherlock Roderick !! Roedd hwn yn werth aros amdano ! Ond roedd gweld y Blaid a'r Toriau yn rhoi ystyr newydd i'r geiriau 'unlikely bedfellows' yn bart o beth fyddau i yn galw y 'judicial fiction' sy'n rhaid i chi gredu i ddilyn ein gwleidyddiaeth ddyddiau yma.
Fel credu fod Tony & Gordon yn ffrindiau gorau...
Can't read the entry, Vaughn, due my inability to speak da lingo. I do know, however, that most people in the Party would not describe Carwyn Jones as an 'impeccable source', but more of a closet Nationalist with a clear leadership agenda.
Carl,
Dim ond pedwar o bobol sy'n gwybod ffynhonellau amrywiol ys stori hon dwyt ti ddim yn un ononynt!
Only four people know the sources for this story...and you're not one of them!