O Diar! (2)
Dyw hi ddim yn gyfrinach bod arweinwyr y Ceidwadwyr wedi bod yn pryderu am eu hymgeisydd yng Ngorllewin Clwyd, Darren Miller. Dylan Jones-Evans oedd dewis yr arweinyddiaeth i'r sedd a hynny yn rhannol oherwydd daliadau crefyddol a moesol Mr Miller, daliadau gwahanol iawn i'r ddelwedd ryddfrydol y mae David Cameron a Nick Bourne yn ceisio ei chyfleu.
Mae'n ymddangos bod yr hyn yr oedd yr arweinyddiaeth yn ei ofni wedi digwydd. Mewn cyfarfod yn Rhuthun dwi'n deall bod Mr Millar wedi galw am ddysgu Genesis yn gyfochrog â Darwin mewn gwersi gwyddoniaeth cyn mynd ymlaen i fynnu bod gweithredoedd hoyw yn "bechadurus".
I fod yn deg, ychwanegodd Darren fod hel clecs hefyd yn bechod sy'n golygu fy mod i yn rhiw fath o bechadur penna! Dywedodd hefyd nad oedd yn cefnogi discrimineiddio ar unrhyw sail.
Wrth gwrs, mae'n bosib bod safbwyntiau fel 'na yn boblogaidd ymhlith rhai o drigolion y glannau!
Golygydd Materion Cymreig y Â鶹¹ÙÍøÊ×Ò³Èë¿Ú yn blogio'n rheolaidd ar faterion gwleidyddol Cymru.
SylwadauAnfon sylw
Mae'n bosib bod safbwyntiau fel hyn wirioneddol yn apelio at y 'core voter' ceidwadol, ac efallai'n dangos nad yw'r blaid cweit yr un fath a sut hoffai rhai ei bortreadu ar ei newydd wedd.
Ie, ond rydym ni gyd yn bechadurus..
Beth fydd Iain Dale yn dweud !?
Mae ar ei ffordd i Gaerdydd heddi'..
'gweithredoedd hoyw yn "bechadurus"' ... ond 'nad [yw'n] cefnogi discrimineiddio ar unrhyw sail'
... hmmmmmmmm, a'i fi ydi'r unig un sy'n gweld twll enfawr yn ei ddaldl?
Dwi'n siwr fod Alun Pugh yn falch iawn o glywed am y 'gaffe' yma, a Nick Bourne yn gresynu yn fawr na fuasai y Cyng Darren Millar yn ymuno a phlaid anofeddgar fel UKIP neu'r BNP lle hwyrach y buasai yn fwy cartrefol.
Dere mlan Vaughan. Pam nid oes gan un newyddiadurwr y dewrder i ofyn Nick Bourne beth mae'n meddwl am y stori. Mae e wedi bodi yn anweladwy heddi. Beth bynnag mae Millar yn dweud heddi, mae pawb yn gwybod fod e'n bigot.
A mae'n sefyll yn y sedd mwyaf hawdd i'r Toriaid. Rhaid i ni clywed beth mae arweinydd y Toriaid yng Nghymru yn meddwl.
Dere mlan Ceri,mae Nick Bourne yn cadw ei fywyd preifat yn breifat a dwy'n parchu hynny.
Nid son am fywyd preifat Nick Bourne ydan ni ond ei safbwynt fel arweinydd plaid sydd a boi gwrth-hoyw (ac felly'n gwrthod elfen ganolog o re-branding "rhyddfrydol" Cameron). Neu dan ni'n gweld y gwirionedd - crafwch Dori a gewch chi bigot.