麻豆官网首页入口

Bournewatch (2)

Vaughan Roderick | 15:10, Dydd Gwener, 12 Rhagfyr 2008

Fe fedrai nawr fod yn fwy plaen am stori y mae Betsan a finnau wedi bod yn lled awgrymu drwy'r wythnos.

Mae'n ymddangos bod Nick Bourne wedi colli ymddiriedaeth y gr诺p Ceidwadol. O'r hyn dw i'n ei ddeall mae o leiaf saith o'r deuddeg aelod am weld newid arweinydd. Yr hyn sy'n eu gwahanu yw pryd y dylai Nick fynd a sut mae ei orfodi i wneud hynny. Yn fras mae cefnogwyr Jonathan Morgan a Darren Miller wedi bod yn chware gem dactegol i geisio sicrh芒i mai eu dyn nhw oedd yn olynu Nick.

Mae 'na sibrydion bod Jonathan a Darren yn agos at gytuno mai Jonathan ddylai arwain y gr诺p gyda Darren yn ddirprwy iddo. Mae 'na son hefyd y gallai'r ddau arwain dirprwyaeth i ddweud wrth Nick bod hi'n bryd iddo fynd.

Fe ddylwn i esbonio mai ymddygiad Nick Bourne yn ystod y ffrwgwd ynghylch y "dodgy dossier" ac ers hynny sydd wrth wraidd hyn- nid y treuliau y mae ef wedi ei hawlio. Byth ers helynt y ddogfen deallaf fod rhai o aelodau amlyca'r gr诺p a rhai o'i swyddogion mwyaf profiadol wedi eu cau allan o gyfarfodydd strategaeth yr arweinydd. Yn 么l un ffynhonnell mae Nick yn "byw mewn byncer gyda Nick Ramsay a llond dwrn o ymchwilwyr dibrofiad".

Yn fan hyn y mae'r costau'n dod mewn i bethau. Os ydy ymateb y cyhoedd i'r treuliau y mae Nick wedi eu hawlio yn un ffyrnig a niweidiol mae'n debyg y bydd 'na symudiad yn ei erbyn o fewn dyddiau. Os ydy'r ffwdan yn profi i fod yn dipyn o storom Awst fe fydd Nick yn goroesi tan y flwyddyn newydd- ond os nad yw'r sefyllfa yn newid, dim ond tan hynny.

Llyfrnodi gyda
|
|
|
|
- Beth yw hwn?

SylwadauAnfon sylw

1. Am 21:33 ar 12 Rhagfyr 2008, ysgrifennodd Albert:

Vaughan,
Ydach chi'n meddwl basai'n gamgymeriad ella i Jonathan Morgan gymryd y rol yma ac ynte mor ifanc. Un cyfla mae rhywun yn dueddol o'i gael fel arweinydd - felly fydd o wir am gymryd y cyfla yna rwan? Cofiwch, mae'n anodd gweld pwy arall fasai'n ffit i arwain y Ceidwadwyr ar hyn o bryd. Ella bydd rhai'n dod i'r casgliad bod Mr Borne ddim mor wael wedi'r cyfan.

2. Am 22:37 ar 12 Rhagfyr 2008, ysgrifennodd Vaughan Roderick :

Dyw e ddim mor ifanc a hynny - ac mae wedi bod yn y cynulliad ers y dechrau. Os nad nawr-pryd?

3. Am 23:43 ar 12 Rhagfyr 2008, ysgrifennodd Bedd Gelert:

"byw mewn byncer.."

Rwy'n teimlo un o'r ffilmiau 'Downfall' 'na yn troi lan ar 'YouTube'..

Gwaith da, Mr Roderick a Betsan