Yn fy marn fach i...
Yn ôl y chwedegau a'r saithdegau roedd 'na ddau gylchgrawn oedd yn "ddarllen gorfodol" i bawb oedd yn ymddiddori mewn gwleidyddiaeth Gymreig sef "Planet" Ned Thomas a "Barn" Alwyn D. Rees. Roedd cylchgronau eraill yn blaguro'n achlysurol "Welsh Radical" gan y blaid Lafur, er enghraifft neu "Radical Wales" a'r "Saeth" gan Blaid Cymru ond Planet a Barn oedd y rhai oedd yn gosod yr agenda.
Mae'r ddau gylchgrawn yma o hyd ac yn ddiweddar mae Barn yn arbennig wedi dechrau ail-sefydlu ei hun fel "must-read" gwleidyddiaeth Cymru.
Nid beirniadu Seimon Brookes, Dyfrig Jones nac unrhyw olygydd arall ydw i drwy ddweud hynny. Rwy'n gwybod yn iawn pa mor galed y maen nhw i gyd wedi gweithio o dan amodau anodd a chyda adnoddau prin. Serch hynny mae hi fel pe bai chwa o awyr iach wedi chwythu trwy'r cylchgrawn ers i'r Cyngor Llyfrau wahodd y Lolfa i gystadlu am y drwydded ar gyfer cylchgrawn materion cyfoes. Fe fydd yn rhaid i fois Talybont weithio'n galed iawn i gynhyrchu rhywbeth gwell. Mae cystadleuaeth yn beth da!
Os ydych chi'n un o rheiny sy ddim wedi darllen Barn ers blynyddoedd, rhowch ail gyfle iddi. Gyda rhestr cyfranwyr sy'n darllen fel "Pwy di Pwy" o lenorion a sylwebyddion gorau Cymru mae'n werth gwneud!
Golygydd Materion Cymreig y Â鶹¹ÙÍøÊ×Ò³Èë¿Ú yn blogio'n rheolaidd ar faterion gwleidyddol Cymru.
SylwadauAnfon sylw
Rhyfedd iawn wnes i darllen erthyglau gan yr Barn am y tro gyntaf ers blynyddoedd noson o blaen, diolch i darn amdanynt yn blog Chris Cope. Mae erthygl am ffarwell Rhodri Morgan yn enwedig yn gwneud i chi meddwl!!!!
Dal ati pawb nol adref i ail tanio trafodaethau bywiog!!!!Anffodus prin fod yr 60 yn y cynulliad yn gallu tanio matsien!!!
Cytuno yn llwyr bod y cylchgrawn yn mynd trwy gyfnod arbennig o gryf ar y funud. Gobeithio bod y Cyngor Llyfrau yn darllen y blog.