Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Protest yn erbyn toriadau addysg feithrin yn Rhondda Cynon Taf
Mae tua 100 o rieni yn protestio tu allan i bencadlys Cyngor Rhondda Cynon Taf yn erbyn cynnig i wneud toriadau i addysg feithrin.
Eisoes mae rhai ymgyrchwyr wedi bygwth peidio 芒 thalu eu treth cyngor am fis.
Dywedodd y cyngor nad oedd penderfyniad terfynol eto.
Mae'r cyngor, sy'n gorfod arbed 拢46m o fewn pedair blynedd, ar fin cychwyn ymgynghoriad allai olygu bod babanod ddim yn mynd i'r ysgol trwy'r dydd.
Yn lle hynny byddai'r plant yn mynd am ychydig o oriau.
10,000
Erbyn hyn, mae tua 10,000 wedi llofnodi deiseb yn gwrthwynebu'r toriadau.
Mae'r cyngor fel cynghorau eraill Cymru yn gorfod gwneud arbedion ar 么l i'w cyllideb grebachu dros 3% ar gyfer 2014-15.
Ac mae Cyngor Pen-y-bont wedi cyhoeddi eu bod yn ystyried tynnu arian o'r gyllideb ysgolion fel eu bod nhw yn medru parhau i gynnig llefydd llawn amser i fabanod mewn meithrinfeydd.
Mae'r cyngor yn bwriadu cau hanner eu llyfrgelloedd er mwyn arbed 拢800,000 y flwyddyn.
Y rhai o dan fygythiad yw llyfrgelloedd Treherbert, Ton Pentre, Penygraig, Ynyshir, Maerdy, Cwmbach, Penrhiwceier, Ynysybwl, Cilfynydd, Tonyrefail, Y Beddau a Phontyclun.
