Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Land and Lakes: Cynghorydd yn ymddiswyddo
Mae cynghorydd Llafur yn Ynys M么n wedi ymddiswyddo o'r blaid oherwydd ei fod yn anhapus gyda'u penderfyniad i gefnogi'r cynllun Land and Lakes.
Roedd Raymond Jones - sy'n cynrychioli ardal Caergybi - wedi bod yn aelod o'r blaid ers 55 blynedd ac yn gynghorydd ers saith a dywedodd ei bod ei benderfyniad wedi ei selio ar y ffaith ei fod yn anghytuno gyda chefnogaeth Llafur i'r pentref gwyliau.
"Rydw i'n erbyn Land and Lakes ac rwy'n anhapus gyda gweddill y gr诺p Llafur am ei gefnogi," meddai. "Mae dwy ochr i bob stori ac mae rhai sydd yn gwrthwynebu'r datblygiad.
"Pam felly mae Llafur yn lleol wedi penderfynu ei gefnogi?"
Gan gyfeirio at ei benderfyniad i barhau yn ei swydd fel aelod annibynnol, dywedodd Mr Jones: "Doedd o ddim yn benderfyniad anodd i'w wneud oherwydd dydyn nhw heb roi unrhyw ddewis i mi yn y b么n.
"Mae Llafur yma'n cefnogi'r datblygiad ac yn rhoi amser caled i bobl sydd ddim."
Mewn ymateb, dywedodd cadeirydd gr诺p Llafur Ynys M么n John Chorlton: "Does neb yn rhoi pwysau ar unrhyw un.
"Mae rhai aelodau Llafur yn erbyn hyn ac mae rhai o'i blaid. Mae o wedi gwneud y penderfyniad i adael y blaid ond doedd dim rhaid iddo wneud, gallai o wedi aros i wneud ei achos."
Ychwanegodd Mr Chorlton: "Os nad ydi o'n deall pam rydym yn cefnogi hwn yna dydi o ddim yn ffit i fod yn gynghorydd nac yn aelod o Lafur.
"Bydd y datblygiad yn creu swyddi yma, yn cadw pobl yma ac felly'n cryfhau'r iaith Gymraeg."
Fe wnaeth y cyngor sir bledleisio o blaid rhoi caniatad i'r datblygiad fynd yn ei flaen yr wythnos ddiwethaf, wedi iddo gael ei wrthod yn wreiddiol.
Mae ei gefnogwyr yn cyfeirio at y ffaith y bydd y cynllun yn creu 600 o swyddi.
Ond mae'r rhai sy'n ei erbyn - sy'n cynnwys Cymdeithas yr Iaith Gymraeg - wedi beirniadu'r penderfyniad gan ddweud y byddai'r datblygiad yn "tanseilio'r iaith" yn yr ardal.
Mae penderfyniad Raymond Jones yn golygu mai dim ond dau gynghorydd Llafur sydd ar 么l o fewn y cyngor, gyda nifer yr aelodau annibynnol yn cynyddu i 15.