Ateb y Galw: Dei Tomos
- Cyhoeddwyd
Yr wythnos yma y cyflwynydd Dei Tomos sy'n ateb cwestiynau busneslyd Cymru Fyw, wedi iddo gael ei enwebu gan y digrifwr Eilir Jones.
Beth ydi dy atgof cyntaf?
Eistedd ar lin fy ewythr ar setl yn y gegin, roedd o wedi colli un goes mewn damwain yn Chwarel Dinorwig.
O dan sedd y setl roedd paceidiau o siwgr a the yr oedd fy nain wedi eu hel fel wiwer yn sgil y dogni yng nghyfnod yr Ail Ryfel Byd a'r blynyddoedd wedyn.
Pwy oeddet ti'n ei ffansio pan yn ieuengach?
Dyna hen gwestiwn bach anodd. Roedd Lisabeth Miles a Christine Pritchard yn y chweched pan oeddwn i yn fy mlwyddyn gynta yn y 'Cownti' (Ysgol Ramadeg Caernarfon) - roedd rheiny ac un neu ddwy o genod eraill yn rhai 'handi' ym marn yr hogia.
"Lis, oedd Dei yn tueddu i 'neud cawl o bethau yn y 'Cownti'?"
Beth oedd y digwyddiad a gododd y mwya' o gywilydd arnat ti erioed?
Methu arholiadau terfynol yn y Coleg, ond diolch i'r drefn nid y fi oedd yr unig un. Fe fethodd David Evans hefyd, roedden ni o'r un pentre ac wedi bod yn gyfoedion a chyfeillion ysgol gynradd ac uwchradd.
Onibai am hynny byddai'r cywilydd wedi bod ddwywaith gwaeth.
Pryd oedd y tro diwethaf i ti grio?
Colli Mam ddwy flynedd yn 么l, dagrau oedd y rheiny am yr hyn a fu ac na fu, roedd fy nhad wedi marw bron i hanner can mlynedd cyn hynny.
Ond os s么n am igian crio yna sefyll wrth fedd fy hen ewyrth, fu farw flynyddoedd cyn fy ngeni, yn un o fynwentydd y Rhyfel Mawr yn ardal brwydrau'r Somme.
Oes gen ti unrhyw arferion drwg?
Blydi hel, oes - gwylltio fel matsien.
"Mae fama dipyn uwch na Phen y Pas!" Mae'n well gan Dei ddringo llethrau Everest efo Eric Jones 'na cherdded dinasoedd.
Dy hoff ddinas yn y byd?
Does gen i ddim i'w ddweud wrth ddinasoedd, ond mae gen i atgofion melys am brydau da o fwyd yn Nairobi a Reykjavik.
Y noson orau i ti ei chael erioed?
Can诺io yng ngolau lleuad i lawr aber afon Mawddach i'r bar yn y m么r ac yna i draeth y Friog.
Oes gen ti dat诺?
Mewn difri, y fi? Na.
Beth yw dy hoff lyfr?
Cwestiwn anos na'r un am ferched. Into the Silence gan Wade Davis; g诺r o Ganada sydd wedi ysgrifennu'n helaeth am bobloedd a mannau anhygyrch y byd.
Mae'r llyfr yma yn olrhain hanes cynnar yr ymdrech i gyrraedd at droed Everest. Mae'n stori arwrol, ac yn fwy felly am fod y dyrnaid yma o fforwyr a mynyddwyr wedi goroesi'r Rhyfel Mawr. Wedi erchyllterau'r ffosydd, beth oedd mymryn o annifyrrwch yn lluwchfeydd y llethrau uchaf?
Y t卯m o fynyddwyr arwrol sydd yn 'Into the Silence'
Pa ddilledyn fyddet ti'n methu byw hebddo?
Anorac Gortex, a ph芒r o sgidiau cryfion.
Beth oedd y ffilm ddiwethaf welais di?
War Horse.
Dy hoff albwm?
Hen Ffordd Gymreig o Fyw, Edward H er cof am y nosweithiau o geisio cynnal disgos o gwmpas Cymru yn nyddiau cynnar y canu poblogaidd.
Cwrs cyntaf, prif gwrs neu bwdin - pa un ydi dy ffefryn?
Ail gwrs sy'n cynnwys cig Cymreig o ffermydd lleol (a'r anifeiliaid fel y dywed hysbyseb yn siop Wil y Cigydd yn Machynlleth 'i gyd yn vegetarians').
Pa un sydd orau, anfon neges tecst neu ffonio?
Gair ar y ff么n bob amser.
Petaset ti'n gallu bod yn rhywun arall am ddiwrnod, pwy fyddai fo/hi?
Bradley Wiggins yn y crys melyn (Maillot jaune) ar y Champs-脡lys茅es ym Mharis yn ennill ras fawr y Tour de France.
Pwy fydd yn Ateb y Galw wythnos nesa'?
Yr Athro Derec Llwyd Morgan.
Mi fyddai Mr Tomos fel Dei-namo yn y Tour De France!