Â鶹¹ÙÍøÊ×Ò³Èë¿Ú

Mae Cymro oedd yn llygad dyst i'r ymosodiadau yn Llundain nos Sadwrn wedi bod yn siarad am ei brofiad.

Roedd Gareth mewn tÅ· bwyta yn un o'r lleoliadau lle digwyddodd yr ymosodiadau sef Borough Market.

Fe ddaeth un o'r ymosodwyr mewn i'r bwyty gyda chyllell a bu'n rhaid i Gareth a'i ffrindiau gloi eu hunain yn y tÅ· bach am eu bod yn ofni am eu bywydau.

Mae saith o bobl wedi eu lladd a cafodd tri sy'n cael eu hamau o fod yn gyfrifol eu saethu'n farw gan yr heddlu.

Sŵn ergyd glywodd Gareth i ddechrau ac yna pobl yn rhedeg lawr y stryd.

"Odd y restaurant lle o'n i yn aros, oedd tua 50 o bobl yn dechrau symud i'r cefn ac yn dechrau gwneud sŵn a ddim yn gwybod beth oedd yn mynd ymlaen.

"O'n i efo ffrind fi a dau ffrind arall. Odd un ohonyn nhw yn disgwyl cael babi wythnos dwytha.

"Oeddan ni yn teimlo bod rhywbeth drwg am ddigwydd.

"O'n i yn dal ffrindiau fi a cymryd nhw fyny grisiau i gloi ni yn y toilet.

"Wedyn, jest cyn i fi gloi fy hun yn y toilet, dyma fi yn edrych lawr y grisiau a chlywed gwydr yn smashio a dyn yn cerdded mewn efo cyllell mawr yn edrych fel machete a merched yn crio a lot o sgrechian yn mynd ymlaen."

Yn y tÅ· bach fe wnaethon nhw anfon negeseuon testun yn gofyn i'r gwasanaethau brys am help.

Roedden nhw yno am ryw awr meddai ac yn gallu clywed sgrechfeydd tu allan, yna distawrwydd.

"Wedyn dyma'r dyn armed response yn dod i'r drws ac yn gweiddi arnom ni i ddod allan. Ond o'n i ddim yn siŵr os oedd o yn fo neu beidio neu yn rhywun arall.

"Nathan ni gymryd siawns a mynd allan efo breichiau uwchben ein pennau.

"Ac wedyn lwcus oedd yr armed response person wedi dod aton ni a dweud rydan ni yn disgwyl bod popeth drosodd."

Mae nifer o bobl wedi eu hanafu ac yn ôl Gwasanaeth Ambiwlans Llundain fe gludon nhw o leiaf 48 i bump ysbyty yn y brifddinas. Mae 21 o bobl yn parhau mewn cyflwr difrifol.

Ymysg y rhai anafwyd mae pedwar swyddog Heddlu wnaeth geisio atal yr ymosodiad, dau gydag anafiadau difrifol.

Mae 12 o bobl wedi eu harestio yn Barking, Dwyrain Llundain.

Mae'r Prif Weinidog, Theresa May, wedi galw'r digwyddiad fel un "erchyll" sy'n cael ei drin fel "gweithred derfysgol posib" ac wedi bod yn cadeirio cyfarfod brys o'r pwyllgor argyfwng Cobra.

Tyst arall i'r hyn ddigwyddodd oedd Mike Williams.

Mae'n aelod o gôr Cymraeg ac roedd mewn parti yn agos i'r farchnad gyda rhai o aelodau'r côr yn gwylio gêm derfynol Cynghrair y Pencampwyr.

"Ar ôl y gêm oedden ni jest yn cael cwpl mwy o drinks ac wedyn oedden ni yn gweld golau yn fflachio tu allan. O'n i yn cael negeseuon testun ac yn y blaen yn dweud bod rhywbeth wedi digwydd."

Fe aethon nhw tu allan i weld beth oedd yn digwydd ond fe ddywedodd yr heddlu wrthynt fod yn rhaid iddyn nhw adael yr ardal.

Roedd gweddill aelodau'r côr ar wasgar meddai.

"Odd rhai o'r côr mewn un pub, rhai mewn pub arall ac o'n nhw yn cael lock ins. Odd security yn dweud bod neb yn gallu mynd allan o'r pub a neb yn gallu dod mewn. Oedd na jest mayhem a chaos rili.

Yn sgil y digwyddiadau mae'r blaid Geidwadol wedi rhoi'r gorau i'w ymgyrchu gwleidyddol ddydd Sul ac mae'r pleidiau eraill hefyd wedi gwneud yr un peth heblaw am UKIP.

Fe ddiolchodd yr arweinydd Llafur Jeremy Corbyn, y gwasanaethau brys am eu gwaith yn dilyn "y digwyddiadau brawychus a chiaidd".

Hwn yw'r trydydd ymosodiad o'i fath ym Mhrydain ers mis Mawrth ac mae'r heddlu wedi apelio ar i'r cyhoedd gadw draw o ardal yr ymosodiad nos Sadwrn.