Paentio'r gair 'Agari' dros gofeb Tryweryn ger Llanrhystud

Disgrifiad o'r llun, Ym mis Chwefror cafodd y gair 'Elvis' ei baentio ar y wal

Mae rhywun wedi paentio dros wal 'Cofiwch Dryweryn' ger Llanrhystud unwaith eto, dim ond deufis ar ôl iddo gael ei adfer gan ymgyrchwyr.

Daeth i'r amlwg fore Gwener bod y gair 'Agari' wedi cael ei baentio ar y wal.

Mae'r arwydd wedi bod yn amlwg i deithwyr ar hyd ffordd yr A487 rhwng Aberystwyth a Llanrhystud ers iddo gael ei baentio yn y 1960au.

Mae unigolion bellach wedi adfer y gofeb drwy baentio dros y neges.

Ffynhonnell y llun, Nia Gore

I osgoi neges Twitter
Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen Twitter a cyn derbyn. Er mwyn gweld y cynnwys dewiswch ‘derbyn a pharhau’.

Gallai hysbysebion ymddangos yng nghynnwys

Diwedd neges Twitter

Ym mis Chwefror cafodd enw Elvis gyda chalon mewn lliw gwyn dros gefndir du ei baentio ar y wal.

Ers y digwyddiad hwnnw mae Llywodraeth Cymru wedi trafod y posibilrwydd o ychwanegu'r murlun at restr o gofebion Llywodraeth Cymru.