Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Cyhoeddi 拢243m ar gyfer y sector amaeth yn 2020
Fe fydd y sector amaeth yng Nghymru derbyn cymhorthdal o 拢243m ar gyfer y 2020.
Cafodd yr arian, sy'n dod o goffrau Llywodraeth y DU, ei gadarnhau gan Weinidog Materion Gwledig Cymru, Lesley Griffiths.
Dywedodd Ms Griffiths ei fod golygu bydd amaeth yng Nghymru'n cael taliad ar yr un lefel ag yn ystod y blynyddoedd diwethaf.
Ond galwodd hefyd am fwy o sicrwydd o beth fydd yn digwydd yn sgil Brexit.
"Mae Cymru wedi elwa o flynyddoedd lawer o fuddsoddiad Ewropeaidd, gan gynnwys mewn amaethyddiaeth a datblygiad gwledig," meddai.
"Mae hyn yn hanfodol bwysig i ffermwyr Cymru ac i gymunedau gwledig.
"Rydyn ni'n croesawu'r cyhoeddiad heddiw gan Drysorlys EM ond gadewch i ni fod yn glir, dim ond cadarnhau ymrwymiadau a wnaed eisoes yw hyn.
"Hoffwn alw ar Lywodraeth y DU i roi gwarant o gyllid ar gyfer amaethyddiaeth, ac i addo cyllid yn lle'r cyllid presennol gan yr UE ar gyfer y blynyddoedd sydd i ddod. "
'Ymroddiad'
Cafodd y cyhoeddiad yngl欧n 芒'r arian hefyd ei groesawu gan Ysgrifennydd Cymru Simon Hart.
"Mae'r cyllid yn dangos ymroddiad Llywodraeth y DU er mwyn rhoi sicrwydd a chefnogaeth i ffermwyr Cymru," meddai.
"Mae hefyd yn dangos y cyfleoedd eang sydd ar gael wrth i ni adael yr Undeb Ewropeaidd.
"Mae cael rheolaeth yn 么l o'r arian yma yn ein galluogi i gynrychioli yn well y bobl rydym yn eu gwasanaethu, gan sicrhau fod gan ein cymunedau amaethyddol yr hyn sydd ei angen i lwyddo ar 么l gadael yr Undeb Ewropeaidd."
