Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Ystyried agor ysgolion i rai disgyblion ym Mehefin
Gallai ysgolion Cymru ail-agor i rai disgyblion yn gynnar ym mis Mehefin meddai'r Prif Weinidog Mark Drakeford.
Bydd trafodaethau'n cael eu cynnal yr wythnos hon i weld os oes modd llacio rhai o fesurau'r cyfyngiadau cymdeithasol, ac fe fydd galluogi mwy o blant i ddychwelyd i'r ysgol yn un opsiwn fydd yn cael ei hystyried.
Wrth siarad ar raglen Andrew Marr fore dydd Sul, dywedodd Mr Drakeford: "Ein cyngor gan yr undebau llafur a gan yr awdurdodau addysg lleol yw y bydd angen o leiaf tair wythnos o'r pwynt pan fyddwn yn penderfynu gwneud hyn i pan fydd ysgolion yn gallu ail-agor, felly rydym yn siarad am ddechrau Mehefin."
Dywedodd fod swyddogion yn edrych os oedd modd i rai grwpiau ddychwelyd i ysgolion cyn plant eraill, gan gynnwys plant gydag anghenion addysg arbennig, disgyblion ym mlwyddyn chwech sydd yn symud i ysgolion uwchradd yn y flwyddyn academaidd nesaf, a disgyblion mewn ysgolion cyfrwng Cymraeg.
- CANLLAW: Beth ddyliwn i ei wneud?
- AMSERLEN: Effaith haint coronafeirws yng Nghymru
- IECHYD MEDDWL: Tips gan Dr Ioan Rees
- DYSGU: Sut i gadw'r plant yn brysur gartref