Mab cyn-ymosodwr Cymru yn arwyddo i Manchester United
Mae Silva Mexes yn fab i gyn-ymosodwr Cymru Rob Earnshaw
- Cyhoeddwyd
Mae mab cyn-ymosodwr Cymru Rob Earnshaw wedi ymuno 芒 Manchester United.
Mae Silva Mexes, sy'n rhan o garfan dan-14 Cymru, wedi ymuno ag academi United o Ipswich Town.
"Dwi'n falch o allu cyhoeddi fy mod wedi arwyddo i Manchester United," meddai Mexes ar ei gyfri Instagram.
"Diolch i bawb sydd wedi fy helpu ar fy siwrne hyd yn hyn. Mae'r gwaith caled yn dechrau nawr."
Mae'n ymddangos fod Mexes yn dipyn o athletwr, gyda'i gyfri Instagram hefyd yn nodi ei fod yn bencampwr ras 100m dan 13 oed yn Essex.
Mae disgwyl iddo chwarae yn yr un t卯m yn United 芒 Kai Rooney, sef mab cyn-ymosodwr Lloegr Wayne Rooney.
Rob Earnshaw yn dathlu sgorio dros Gymru
Cafodd Earnshaw, sy'n 43 oed, ei eni'n Zambia, ond fe symudodd i Gymru yn blentyn.
Fe ymunodd 芒 chlwb Caerdydd yn fachgen ifanc, gan sgorio 89 g么l mewn 202 o gemau.
Fe chwaraeodd hefyd i glybiau fel West Bromwich Albion, Norwich City, Derby County, Nottingham Forest, Maccabi Tel Aviv, Toronoto, Chicago Fire a Vancouver Whitecaps.
Ar y llwyfan rhyngwladol fe enillodd 59 cap dros Gymru, gan sgorio 16 g么l.
Earnshaw ydy'r unig chwaraewr i sgorio hat-tric dros ei wlad, yn ogystal ag yn Uwch Gynghrair Lloegr, Y Bencampwriaeth, Adran Un, Adran Dau, Cwpan yr FA a Chwpan y Gynghrair.