�鶹������ҳ���

Mae’r antur Ewropeaidd ar ben i CPD Tref Caernarfon – am y tro o leiaf.

Ond ar ôl ymddangos mewn cystadleuaeth Ewropeaidd am y tro cyntaf, mae’r Cofis wedi cael blas ac yn awyddus i brofi mwy yn y dyfodol agos.

Daeth ymgyrch Caernarfon yng Nghyngres UEFA i ben nos Iau wrth iddyn nhw golli yn erbyn Legia Warsaw o 11-0 dros ddau gymal.

Roedd hi wedi bod yn ymgyrch cyntaf bythgofiadwy i’r Canaries ar ôl curo Crusaders ar giciau o’r smotyn yn y rownd flaenorol.

Caernarfon yn 'creu hanes'

“Mae’r siwrna wedi bod yn anhygoel,” meddai’r rheolwr Richard Davies.

“'Da ni’n mynd lawr yn hanes y clwb fel y cyntaf i gyrraedd Ewrop, ac wedyn y fraint i ennill y gêm gyntaf adra ac yna mynd away a sgrapio dros y lein.

“Ond oedd hi’n teimlo’n sbesial i wneud o y ffordd yna.

“Ac wedyn y profiad o fynd i dîm fel Legia Warsaw away, mae’n rwbath tydi ddim llawer o bobl yn gallu dweud bod nhw wedi gwneud."

Ychwanegodd: “Unwaith ti’n cael blas o rwbath fel yna, gemau fel yna ti isio bod yn involved yn.

“Mi fyddan ni’n defnyddio hwnna fatha incentive rŵan i drio gwneud yn dda season �Ա����&#��27;.”

Bydd Caernarfon yn cael €700,000 am gyrraedd yr ail rownd ragbrofol.

Ond mae'r ffigwr yma cyn ystyried costau teithio, a ffactorau fel cost defnyddio Stadiwm Nantporth ym Mangor ar gyfer y gemau cartref.

“Bydd rhaid i ni iwsho fo yn gall,” ychwanegodd Richard Davies wrth sôn am yr arian y bydd y clwb yn ei dderbyn.

“Mae’n rhaid ni eistedd i lawr rŵan, cael conversations call a sut ‘da ni am ddefnyddio’r pres.

“Ond fel rheolwr dwi isio datblygu ar y cae.

“Gobeithio gallwn ni wneud hynny a gwella’r cyfleusterau yn Yr Oval, so un diwrnod, os 'da ni yn managio gwneud Ewrop, cael fo yn Yr Oval.”