Â鶹¹ÙÍøÊ×Ò³Èë¿Ú

Ffion Dafis a'i gwesteion yn trafod y byd celfyddydol yn ei holl amrywiaeth, a hynny yng Nghymru a thu hwnt.

Ymweld â chartref yr arlunydd Iwan Gwyn Parry sydd yn paratoi tuag at arddangosfa newydd o’i waith yn Oriel Ffin y Parc, Llanrwst; a sgwrs efo Manon Steffan Ros wrth i Theatr Genedlaethol Cymru baratoi i lwyfannu ei haddasiad o ddrama Eugène Ionesco, 'Rhinoseros'.

Y cerddor Rhiannon Lewis sydd wedi bod yn gweld opera newydd Gareth Glyn, ‘Peth Bach 'Di Cawr’; ac Eluned Hâf, Pennaeth Celfyddydol Rhyngwladol Cyngor Celfyddydau Cymru sy'n trafod pwysigrwydd digwyddiadau celfyddydol ymylol Cymreig mewn digwyddiadau fel Pencampwriaeth Rygbi’r Byd ar y funud.

Hefyd, yr artist, actores a’r cerddor Bethan Mai sy'n sgwrsio efo Mari Grug am fod yn rhan o’r bartneriaeth gerddorol boblogaidd ‘Rogue Jones’ ac newydd ennill Gwobr Gerddoriaeth Gymreig 2023 nos Fawrth diwethaf; ac â hithau'n Wythnos Dathlu Dysgwyr Cymraeg ar Radio Cymru, sgwrs gyda’r artist Deidre McKenna o’r Iwerddon am ei gwaith a’i thaith yn dysgu’r Gymraeg.