Â鶹¹ÙÍøÊ×Ò³Èë¿Ú

Mae’n wythnos dathlu Diwrnod y Llyfr – felly dyma raglen arbennig yn rhoi sylw i’r byd llyfrau a chyhoeddi yng Nghymru.

Yn y rhaglen heddiw mae Ffion yn sgwrsio gyda Gwyn Siôn Ifan, rheolwr siop lyfrau Awen Meirion yn Y Bala ers dros 40 mlynedd ac mae ar fin ymddeol.

Hefyd, mae Ffion yn cael cwmni Leusa Llewelyn, Cyfarwyddwr Artistig Llenyddiaeth Cymru ac yn cyhoeddi pwy fydd beirniaid Llyfr y Flwyddyn 2025 yn ogystal â chyhoeddi’r amserlen o hyn i’r seremoni yn ystod yr haf.

Bydd Ffion hefyd yn ymweld â’r Llyfrgell Genedlaethol yng nghwmni’r awdur Bethan Gwanas 100 mlynedd ers cyhoeddi y llyfr ffug wyddonol cyntaf i blant sef, ‘Rhys Llwyd y Lleuad’ gan Tegla Davies.

Ac yna yn olaf, fe fydd Ffion yn trafod cyfrol newydd sbon, ‘Fel yr Wyt’, sydd yn cael ei lansio ar Ddiwrnod Rhyngwladol y Merched er mwyn helpu menywod i deimlo yn fodlon gyda’u cyrff.