麻豆官网首页入口

An Nowodhow: 4a a vis Hwevrer 2018
Gorthugher da, ha dynnargh dhe dhyllans an seythen ma 'An Nowodhow' war 麻豆官网首页入口 Radyo Kernow.*Gonis Yeghes Kenedhlek Pow Sows re dhegemeras moy es unnek mil gorthyp dh'y brofyansow dhe gemeres nebes a'y servisyow kanker mes a Glavji Kernow Riel hag aga threusperthi dhe Aberplymm po dhe Garesk.
Herwydh an profyansow, ny allsa an Gresen Sunrise dhe Dreliske dyghtya neb kankres le kemmyn, mar pe kevys le es hanterkans kas a'n keth eghen na pub bledhen yn Kernow.
Pennvedhogyon a lever y hallsa an profyansow ma nasya orth dew kans perthyer po moy pub bledhen yn Kernow ha Syllan.
Fydhyadores an Sunrise Appeal, Janet Shephard, a leveris i dhe vos kuhudhys gans an NHS a brederi dres musur a-dro dhe'n chanjyow. Byttegyns, y frovas an skodhyans a wrussons i degemeres dhyworth an werin nag o hemma an kas.*An seythen ma, y tallathas kussulyans poblek ow tochya towlow dhe dhrehevel karrhyns dewblek nowydh ynter Krows Korlan ha Krows Chywarton.
Yma Highways England ow profya gwellhe an fordh ynter an dhiw fordh a-dro, eth mildir hy hirder, rag dilea an daromdagow aswonys fest yn ta dhe bubonan a wra devnydh a'n A deg warn ugens hag i ow viajya dres Kernow.
Y hwaytir bos kost an fordh nowydh a-dro dhe dhew kans, deg ha peswar ugens a vilvilyow a beunsow hag yma govenek dhe Highways England hy bos igor kyns gorfen dew vil ha dew warn ugens.
Herwydh an towlow, y hwithir an fordh koth hag y fydh drehevys nebes fordhow kott nowydh rag hy heskelmi dhe'n karrhyns nowydh.
Ynwedh, y fydh drehevys pons 'glas' hag unn dreusva arbennik warn ugens may hyll enevales treusi an fordh vysi yn sawder.聽
An werin a dal profya aga thybyansow a-dro dhe'n towlow kyns dy'Lun, an dewdhegves a vis Meurth.*Desedhegores a-barth an Kreslu ha Galweyth, Alison Hernandez, re wovynnas orth Kesva Kreslu Kernow ha Dewnens may kressyons aga rann an Toll Konsel, aswonys avel 'presept an kreslu', rag an vledhen a dheu myns dell allons herwydh an lagha.聽
Kyns lemmyn, nyns o laghel kressya presept kreslu gans moy es unn poynt naw, naw kansran mes, y'n vledhen a dheu, y hyll kesvaow kreslu kressya aga fresept gans dewdhek peuns rag chiow hag a berth toll konsel kevradh D.
Mar pe an gesva leel unver, y tegemersa an kreslu Kernow, Dewnens ha Syllan seyth poynt dew vilvil a beunsow moy y'n vledhen a dheu es dell wrug hevlena.
Kyns dew vil hag ugens, yth yw war dowl Ms Hernandez moghhe niver a withysi kres gans moy es kans. bys dhe dri mil sodhek yn sommen.
Hi a vynnsa ynwedh gwellhe sodhva greslu Bosvena may hallo hi dos ha bos pennplas Kreslu Kernow.聽*Yma govenek dhe hyns horn Bosvena ha Reswynn arveth moy bodhogyon neb a vynnsa gweres ow mentena an linennow a-barth trenow ha jynnow ethen an kowethyans.
Yn eur ma, yma a-dro dhe gans bodhek ha hanterkans usi ow spena meur a'gan pennow-sethen, dres an gwav, owth oberi war an linennow. Ymons i owth assaya dhe gemeres dhe ves an trestrow a bren, 'sleepers' yn Sowsnek, ha gorra y'ga le trestrow gwrys a gestevyn.
Hwegh mildir ha hanter yw hirder an hyns horn mes lent ha kales yw an ober.聽
Herwydh usadow, pub dydh y kevir ynter pymthek hag ugens bodhek owth oberi war an linennow. Dyghtys yns i gans bush byghan a arvethesigyon rag surhe bos puptra gwrys yn ewn hag yn salow.*Yth esowgh hwi ow koslowes orth 'An Nowodhow" war 麻豆官网首页入口 Radyo Kernow.聽 An dowlen an seythen ma a veu skrifys ha presentys genev vy, Steve Penhaligon. Bys dy' Sul nessa, nos da dhywgh hwi oll.