麻豆官网首页入口

Dohajydh da, ha dynnargh dhe dhyllans an seythen ma 鈥楢n Nowodhow鈥� war 麻豆官网首页入口 Radyo Kernow.
Konsel Kernow re gomendyas y vojet rag an vledhen arghansek a dheu, y鈥檊a mysk ynkressyans a dhew poynt naw naw kansran rag taloryon toll gonsel. Ynkressyans a hwetek diner ha peswar-ugens orth an seythen rag anneth bagas D yw an sewyans, mes an recknow leun a wra kregi war gentelyow an kreslu, an tanlu hag an konselyow cita, tre ha pluw. Ynkressyans Konsel Kernow a gomprehend unn gansran rag kentel tevesikwith socyal, hag an bojet a syns ynno pymp ha dew-ugens a vilvilyow a beunsow moy rag gonisyow tevesikwith socyal. An bojet a gomprehend ynwedh onan poynt tri bilvil a beunsow a gevarghow kevalav, y鈥檊a mysk 鈥渟koodhyans rag towlennow tevyans erbysek a wrello anedhow hag oberow rag trigoryon ha dastewynnya aga ragwiryow,鈥� yn-medh bagas rewlya Mentenour. Y leveris Linda Taylor, ledyer an konsel, wosa an kuntelles dy鈥橫eurth, an bojet dh鈥檃gan 鈥渓ewya war-tu ha鈥檔 termyn splanna a dheu鈥� ha 鈥渒owlwul an ragwiryow posek鈥� a 鈥済emenethow bewek, salow ha skoodhyansek鈥� hag a 鈥淕ernow sewen ha sostenadow.鈥� Wosa an kuntelles y leveris Jayne Kirkham, konselor Lavur, bos tevesikwith socyal pysys a wul troghow a dhew warn ugens a vilvilyow a beunsow. Yn-medh hi, 鈥淵th eson ni ow kelli kresennow dydh ha gonisyow hedh, hag yth eder ow treghi niverow a wodrigow-gwith rag an dus. Yma ow tiberth gwithysi socyal ha praktysoryon with. Dileys sodhow gwith socyal, ny wren ni aga daskavos.鈥� Konseler Leigh Frost, ledyer erbysiedh rag bagas Livrel Gwerinel, a leveris bos 鈥渉ackyes ... gonisyow essensek鈥�. An Konsel a gomendyas ynwedh ynkressyans a dheg kansrann warn ugens orth tollow Pons Tamar ha Kowbal Penntorr; an sewyans a vydh toll karr dhe ynkressya dhyworth dew beuns dhe dhew beuns tri-ugens diner. Kowlwrys vydh an ynkressyans na mis Genver a dheu, dell yw gwaytys.
A-varra an seythen ma, naw mil den re sinsa petisyon ow nagha profyans Konsel Kernow a feow-parkya yn Park Powdir Tihydin, ogas dhe Gammbronn. Mars yw komendyes, an feow a via bew ynter eth eur vyttin ha pymp eur androweyth, ha kostya ispoynt a dhew beuns rag dew our. Yn-medh Lucie Sominka, dhyworth Resrudh, neb a lever hi dhe vysytya yn fenowgh, 鈥淗emm yw onan an taklow treweythus a yll y wul an dus voghosek heb bos gweskys y鈥檊a focket.鈥� Philip Desmonde, esel an kabinet rag karyans, a leveris bos an towl dhe dhaskavos kostys mentons ha dyghtyans an parkow powdir Kernow.
Synsys veu ogas ha seyth kans a lewyoryon ow spedya gans kamera dres y gynsa seythen a oberyans, dell leveris bagas sawder fordhow Hunros Mann Soth-West (Vision Zero South-West). An kamera-spedya nowydh a vir orth lewyoryon y鈥檔 dhew du yn fordh A tri-naw-peder a dheg mildir warn ugens war our yn Goonhir, yntra Pennryn ha Hellys. Dell leveris Hunros Mann Soth-West 鈥� hag a gonsist a niver a gowethyansow, y鈥檊a mysk Kreslu Kernow ha Dewnens, Konsel Kernow ha Fordhow Meur Kenedhlek 鈥� an towl yw dhe lettya pub kesskwat marwel ha sevur erbynn dew vil dew-ugens. Y leveris bos ledhys peswar den ha dew-ugens ha bos shyndys yn sevur hwegh kans peswar warn ugens yn fordhow Kernow ha Dewnens yn dew vil ugens.
Yth esowgh hwi ow koslowes orth 鈥楢n Nowodhow鈥� war 麻豆官网首页入口 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.