麻豆官网首页入口

An Nowodhow: an 13ves a vis Meurth 2022
Dohajydh da, ha dynnargh dhe dhyllans an seythen ma 'An Nowodhow' war 麻豆官网首页入口 Radyo Kernow.
Dres an seythen eus passyes, eseli an werin re beu owth omguntel yn lies le a-dreus dhe Gernow rag protestya erbynn an vresel yn Ukrayn ha rag profya skoodhyans dh鈥檡 anedhysi.
Yn Truru, moy es kans ilewydh a omguntelas orth Kay Lemon rag seni war-barth antempna kenedhlek Ukrayn, keffrys ha darn a ilow skrifys gans Mussorgski, 鈥楶orth Bras Kyiv鈥� y hanow.
Yn-medh Zoe Curnow, dyghtyores an hwarvos, 鈥淣i oll a vynnas diskwedhes agan unveredh gans an werin a Ukrayn. Ni a鈥檊an beus kowetha Ukraynek neb a sen genen pupprys, ha fest posek yw.鈥�
Hi a geworras y tothya ilewydhyon dhe Druru a bub parth a Gernow, yntra Pennsans ha Porthbud, ow sewya galow dre Facebook.
Hag orth an or yntra Kernow ha Dewnens, y feu restrys keskerdh bras a-dreus dhe Bons Tamar a-barth an werin a Ukrayn.
Kaskyrghoryon, omwiskys yn glas ha melyn, liwyow baner Ukrayn, a gerdhas dhyworth an dhiw lann ha metya yn kres an pons, le may feu lennys pysadow berr, sewyes gans powes tawesek a dhiw vynysen.
*
Mewgh re beu ystynnys rag hwegh degowek neb a omsettyas war dhen diannedh hag ev ow koska yn park kerri Truru.
An omsettyans a hwarva an dewdhegves a vis Hwevrer ha gwydhyow a鈥檔 hwarvedhyans a veu kevrennys yn efan dre vedia socyal kyn hwrug an kreslu pysi eseli an poblek ma na wrellens yndella.
Herwydh an kreslu, mewgh an hwegh degowek re beu ystynnys bys dhe鈥檔 nawves ha degves a vis Me yn-dann fronansow tynn, y鈥檊a mysk kudhwolow.
Seythves degowek re beu livrys dhe wari mes y hwra an kreslu pesya hwithra an mater hag ymons i ow kesoberi gans servisyow yowynkneth ha Servis Darsewyans an Gurun.
*
*
An seythen ma, Duk a Gernow, Pennsevik Charles, a vysytyas Letiow Linar le mayth yw gwrys an keus a vri, Yarg y hanow.
Mayni an kowethyans, hag yw selys yn Pons an Woodh, ogas dhe Druru, a dhiskwedhas dhe鈥檔 Duk fatel yw an keus askorrys, hag ena maylys yn linas, mayth adhvesso yn ta ha gwruthyl rusk.
Dismygys veu Yarg gans Alan Gray nans yw moy es deg bledhen warn ugens ha, dell welir, hanow an keus yw hanow Mester Gray lytherennys a-dhelergh.
Wosa vysytya an weythva geus, yth eth Pennsevik Charles dhe Nansledan, ogas dhe Dewynblustri, le may kevir Gwedhek Penn Kansbloodh Lyjyon Bretennek Riel.
Plensys veu an koos ma warlena gans Duketh a Gernow rag verkya penn kansbloodh an Lyjyon ha rag provia spas le may hyllir ombrederi ha perthi kov a wonis ha sakrifis an servisyow ervys.
*
Yma towlow dhe wruthyl hyns nowydh rag kerdhoryon dres Nans Tamar ow keskelmi an arvoryow kledh ha dyghow a Gernow.
Manylyon an ragdres re beu dyllys gans Towlen Keskowethyans Tirwedh Tamara (the Tamara Landscape Partnership Scheme yn sowsnek) usi ow hwilas breus an werin a-dro dhe鈥檔 profyansow ma.
Y hwra an hyns nowydh tremena tirwedh fest teg hag a veu furvys gans an avonyow Tavi, Tamar ha Linar.
Mar pe an ragdres kowlwrys, y halsa bos an hyns ygerys erbynn gwenton dew vil ha tri warn ugens. Ena, dre holya an hyns nowydh ha Hyns Arvorel Soth West, y halser kerdhes a-dro dhe Gernow oll.
Keskowethyans Tamara a dhegemer arghasans dhyworth Arghas Ertach an Gwari Dall Kenedhlek hag yma ev owth oberi gans Konsel Kernow ha Konsel Dewnens rag displegya an profyansow.
Y hyll eseli an poblek profya aga thybyansow y鈥檊a hever kyns penn mis Meurth.
*
Yth esowgh hwi ow koslowes orth 鈥楢n Nowodhow鈥� war 麻豆官网首页入口 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy鈥� Sul nessa, dydh da dhywgh hwi oll.