麻豆官网首页入口

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 麻豆官网首页入口 Radyo Kernow.

*

Ragdres yn Truru dhe wellhe kevrennow kerdhes ha diwrosa a allsa yn gwiryonedh peryllya bewnansow, herwydh negysyow yn ogas.

An diwettha rann a鈥檔 ragdres Truro Loops a veder ynnhe an fordh yn Park Negys Trenowydh, ha gwruthyl hyns kerdhes ha diwrosa.

Mes negysyow a lever y hallsa an towlennow styrya mirours kert a worgregi yn-bann a鈥檔 hyns 鈥� kawsya po kisyans sevur po mernans rag trethysi ha diwrosoryon.

Ranndir Gwellheans Negys Trenowydh, po 鈥楤ID鈥� yn Sowsnek, a lever y skoodh Fordh Trenowydh meur a dharomres HGV, awos bos an tyller tre rag negysyow kepar ha kowethyans gobrenans garan, Macsalvors aga hanow, kowethyans atal hag eylgylghyans Biffa, ha Kresen Eylgylghya Truru.

Yma kyttrinva dhe gowethyans First Group y鈥檔 tyller hag yma ynwedh sodhva delivrans Royal Mail.

Kaderyer a鈥檔 ranndir Gwellheans Negys Trenowydh, Leigh Ibbotson y hanow, a leveris yn lyther dhe鈥檔 konsel: 鈥淣i a vynn y wul yn kler y krys BID Trenowydh an profyansow dhe dhri danjer rag salowder a鈥檔 dhevnydhyoryon Trenowydh.听

鈥淣i a vynn y vos notys yn sodhogel, dell ragwelyn ni niverow a dhroglammow ow kressya mars yw an profyansow ordenys.鈥� yn medh Mester Ibbotson.

Konsel Kernow re beu kestevys rag kampol.

*

Ragdres dhe dhastisplegya Lyverva Lyskerrys re beu grontys moy es听eth kans ha hanterkans milyow a beunsow a fondyans governans.

An arghans a vydh devnydhys dhe nowydhhe Lyverva Passmore Edwards, dhe 鈥榙yller poblek an nowyttha鈥�, herwydh Konsel Kernow.

An ragdres yw dyghtys gans Real Ideas Organisation, neb a wra kavos an arghans dhyworth Arghas Rynnys Rychedh Ruvaneth Unys.

Sodhek pennweythresek an kowethyans, Lindsey Hall hy hanow, a leveris y vos nowodhow 鈥渟plann鈥�.

Hi a leveris, 鈥淗emm a styr y hyllyn gorfenna an diwettha kamm a鈥檔 oberyow meur rag nowydhhe Lyverva Lyskerrys Passmore Edwards hag y dhasygeri gans pennbloodh genesigeth Passmore Edwards.

鈥淵 herdh yn-rag ynwedh towlen yntanus a wruthyansow hag a golm tus leel, bagasow kemeneth, ha ragdresow awenek erel hag a brofyn.鈥�

An ragdres yw henwys yn Sowsnek 鈥楢fina Liskeard鈥�.

Y feder gwruthyl 鈥渟pas plegadow ughel y nas, hag a syns lyverva arnowydh ha skoodhya tus a bub oos oll, dre gevres a dowlow kemeneth, ow komprehendya hwarvosow meur omsedhus鈥�, y leveris Konsel Kernow.

Ober re dhallathas seulabrys, hag yw gwaytys bos gwrys hag ygor rag an bobel kyns penn dew vil tri warn ugens.

*

听

Kapten skath-wari, neb a veu sawyes wosa y skath dhe sedhi, o 鈥減ur bur feusik鈥�, dell leveris kapten skath-sawya Aberplymm.

An den, neb nag esa ow kwiska jerkyn-sawya a-dro dhodho, a veu kemerys dhe glavji wosa bos sawyes gans mayni pyskessa ha鈥檔 RNLI, wosa y skath a veu kisys gans tonn ha sedhi mes a Gernow.

Kapten an skath-wari re beu 鈥渙wth omdowl dhe neuvya鈥� dres 20 mynysen pan veu kemerys mes a鈥檔 dowr.

Ev a veu treusperthys dhe skath-sawya hag ena dhe Glavji Derriford yn Aberplymm.

*

Kans pras a vleujyow gwyls a vydh gwrys yn tylleryow istorek a-dro dhe鈥檔 pow, dhe verkya kurunyans Myghtern Charles y鈥檔 6ves a vis Me. Onan anedha a vydh desedhys dhe Dhintagel.

Ertach Pow Sows a leveris y hwra an ragdres gasa 鈥渒ov naturek鈥�, dre dhaskavos nebes prasow kellys an pow, dhe enora an kurunyans.

Keffrys ha Dintagel, an prasow erel a gomprehend Abbatti Whitby, yn Pow Evrok, ha tre Myghternes Victoria war Enys Gwynn, Chi Osborne y hanow, ha Stonehenge.

Charles yw aswonnys avel lowarther mall gans bern yn ertach a鈥檔 pow.

听

*

听

Ha wortiwedh hedhyw, den neb a ragerghis tri ugens diwweder, re amyttyas y fia possybyl na veu va ow kwiska y dhiwweder pan worras ev an ragerghyans.

Tom Arnold, dhyworth Porthperan, a lesas dre vedya socyal wosa y vab dhe bostya skeusen a鈥檔 kammworrans.

Tom a brederis re ragerghis ev dewdhek diwweder-redya, mes sowdhenys o pan veu 鈥榤enydh byghan鈥� delivrys dh鈥檡 dre dy鈥橲ul eus passys.

An kowethyans re dhastylis kost an diwwederyow heb edhom.

*

Yth esowgh hwi ow koslowes orth 鈥楢n Nowodhow鈥� war 麻豆官网首页入口 Radyo Kernow. An dowlen an seythen ma a veu skrifys genev vy Duncan McIntosh, an pennskrifer o Steve Harris. Bys dy鈥橲ul nessa, dohajydh da dhywgh hwi oll.

听

听