麻豆官网首页入口

An Nowodhow: an 11ves a vis Metheven 2023

听

Dohajydh da, ha dynnargh dhe dhyllans an seythen ma 'An Nowodhow' war 麻豆官网首页入口 Radyo Kernow.

*

Kaderyer Keffrysyans Tornyaseth Soth West, Alistair Handyside y hanow, re leveris y fydh res dhe negysyow tornyasek 鈥渙beri fest yn tiwysyk鈥� dres an vledhen a dheu rag kressya ragarghasow.

Ev a geworras bos le a dus ow ragerghi aga dy鈥檊ol y鈥檔 Soth West es y鈥檔 vledhynnyow eus passyes drefen prederow a-dro dhe鈥檔 barras kost bewnans.

Spit dhe henna, ev a dherivas bos koffijiow, bostiow ha tylleryow tennvosek dhe dornysi bysi lowr.

Yn-medh ev, 鈥淎n kynsa tra dhe leverel yw dhe wodhvos meur ras a鈥檔 gewer dres an dedhyow eus passyes a-gynsow. Nyns eus travyth a wra kenertha ragarghasow orth an diwettha mynysen es dell wra kewer deg鈥�.

Ha nebes negysyow yn Lannvorek a dherivas yth esa prenoryon ow spena le es dell yw usys.

Perghenoges Pastiow Mary, Mary Torr, a leveris bos hy gwerthji 鈥渇ol yn tien鈥� y鈥檔 eur ma mes nag esa hy negys ow kul kemmys prow es kyns drefen kostys dhe gressya yn feur.

Yn-medh hi, 鈥淸An brenoryon] a enter ha prena onan tien ha鈥檡 treghi yn dew hanter, a-der prena dew basti鈥�.

Dre gonter, Elleke Ross, a-barth Ostel Baya Lannvorek, a leveris, 鈥淎n vledhen ma yw an kynsa bledhen mayth yw puptra normal arta ha ny wren ni klewes bos barras ow hwarvos鈥�.

听

*

Kreslu Kernow ha Dewnens re dhegemeras pewas keswlasek awos aga ober awenek gans teknologieth-vappya dri D.

I a wrug devnydh a鈥檔 deknologieth nowydh hag i owth ombareusi rag an pennkuntelles G7 yn Porthreptor nans yw diw vledhen, hag i a lever aga bos an kynsa kreslu y鈥檔 bys dhe wul devnydh a鈥檔 deknologieth y鈥檔 fordh ma.

Mar vras o an oberyans diogeledh mayth esa edhom a elwel, yn sommen, a-dro dhe bymp mil sodhek dhe Gernow dhyworth pub tu a鈥檔 Ruvaneth Unys rag dyghtya an hwarvos.

Ytho, dres an misyow kyns an pennkuntelles, an kreslu a wrug devnydh a gameras arbennik rag gwruthyl mappa besyel a鈥檔 ostelyow ha drehevyansow, hag a-ji hag yn-mes, may fia synsys an kuntellesow ynna.

Dres henna, an kreslu a wrug devnydh a dhronys rag gwruthyl mappa tri D a Borthreptor hag a Borthia ynwedh.

Gans oll an derivadow ma, y hallas trenya sodhogyon an kreslu yn pub parth a鈥檔 Ruvaneth Unys heb edhom a鈥檊a danvon dhe Gernow kyns an hwarvos.

An kreslu a leveris y hallsa gul devnydh a鈥檔 deknologieth ma y鈥檔 termyn a dheu rag dyghtya hwarvosow bras a bub eghen.

听

*

Yma an Servis Tan ha Sawyans owth ynia war eseli a鈥檔 poblek may kemerrons with gans flammow noth ha鈥檔 gewer hwath tomm ha sygh.

I re bysis an poblek, yn arbennik, a surhe bos aga barbakoa towladow difudhys yn tien kyns y dewlel yn atalgist.

Esther Lochrie, perghenoges Koffiji Treth Lynnyeyn Pryskelow yn Aberfala, a leveris bos hy negys namna kowlleskys wosa barbakoa dhe worra tan yn atalgist stegys dhe鈥檔 koffiji.

An Servis Tan a dhanvonas dew jynn tan mes, dell hevel, y feu an tan difudhys gans mayni an bosti hag eseli a鈥檔 poblek dre wul devnydh a gelornasow a dhowr mor.

Leveryades a-barth an Servis Tan ha Sawya, Nicola Bottomley, a warnyas ynwedh mayth esa peryl bras a danow gwyls y鈥檔 eur ma drefen an gewer sygh.

鈥淣i a vynsa pysi tus ma na wrellens tansysyow,鈥� yn-medh hi. Ha hi a warnyas y hallsa tanow gwyls leski dres lies mis drefen aga bos mar gales dh鈥檃ga difudhi.

鈥淵鈥檔 eur ma, mar tallattha tan gwyls, pur sevur vydh ev,鈥� a geworras hi.

*

Yth esowgh hwi ow koslowes orth 鈥楢n Nowodhow鈥� war 麻豆官网首页入口 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Wella Morris. Bys dy鈥� Sul nessa, Duw genowgh hwi oll.