Berwyn: Gweithiwr wedi'i gymryd yn wystl gan garcharor
- Cyhoeddwyd
Mae'r carchar Categori C wedi'i ddylunio i gartrefu 2,106 o ddynion
Mae'r gwasanaeth carchardai wedi cadarnhau bod gweithiwr wedi cael ei gymryd yn wystl gan garcharor yng Ngharchar Berwyn, Wrecsam fore Gwener.
Dywedodd llefarydd ar ran y gwasanaeth carchardai bod y staff wedi delio 芒'r sefyllfa "yn sydyn", ac nad oedd unrhyw un wedi cael ei anafu.
"Mae'r aelod o staff yn cael cefnogaeth gan y carchar a byddem yn gofyn am y gosb gryfaf bosib i'r tramgwyddwr," meddai.
Mae tua 1,300 o garcharorion ar y safle ar Stad Ddiwydiannol Wrecsam, agorodd yn 2017, er bod y carchar yn gallu dal dros 2,100.
Yn gynharach yn yr wythnos fe lwyddodd carcharor i ddringo ar do'r carchar, cyn cael ei arwain i lawr gan swyddogion.
Straeon perthnasol
- Cyhoeddwyd1 Hydref 2019
- Cyhoeddwyd11 Gorffennaf 2019
- Cyhoeddwyd17 Mai 2019
