Â鶹¹ÙÍøÊ×Ò³Èë¿Ú

Mae'r ddau newydd fod yn y de ar gyfer treialon Tîm Rygbi'r Gynghrair Myfyrwyr Cymru, lle llwyddodd Gareth i gael ei ddewis i'r garfan genedlaethol o 35.

Mae o rŵan yn croesi'i fysedd y caiff o'i ddewis i chwarae yn erbyn myfyrwyr Awstralia cyn bo hir. Mae Gareth a Neil - y ddau yn 21 oed - hefyd yn chwaraewyr amlwg i Dîm Prifysgol Leeds Metropolitan, lle maen nhw'n astudio ar hyn o bryd. Mae'r tîm wedi cyrraedd tair rownd derfynol genedlaethol yn olynol, a Gareth yn cael ei enwebu'n Chwaraewr y Flwyddyn ar gyfer 2002-2003.

Er bod y ddau wedi hen arfer chwarae i dîm Caernarfon - sef gêm yr Undeb, wrth gwrs - roedden nhw'n teimlo nad oedd y tîm 15 bob ochr yn Leeds yn rhoi cyfle teg i chwaraewyr. Dyna pam aethon nhw i chwarae gêm y Gynghrair.

Nid dyma'r tro cyntaf i Gareth ymddangos yn y treialon. Mi gafodd ei ddewis llynedd ond cael ei daro yn anymwybodol ar ôl 10 munud fu ei hanes o'r adeg honno a gorfod rhoi'r gorau iddi! Drwy lwc, mi ddaeth Gareth a Neil drwyddi yn ddianaf y tro hwn.

Does yna'r un ohonyn nhw'n rhy siŵr be' maen nhw am ei wneud yn y dyfodol - ond y newyddion da i Gaernarfon ydi mai dychwelyd i'r Morfa fydd rhaid os down nhw yn ôl i Dre - os gwna hogia'r clwb rygbi eu derbyn nhw wrth gwrs!