Â鶹¹ÙÍøÊ×Ò³Èë¿Ú

Adolygiad Sarah Williams o Porth y Byddar. Cwmni Theatr Genedlaethol Cymru. Clwyd Theatr Cymru. 7 Awst, 2007

Bum yn gweld drama newydd Manon Eames ar ei noson agoriadol yn ystod wythnos Eisteddfod Genedlaethol Sir y Fflint.

Bydd y ddrama'n awr yn teithio o gwmpas y wlad yn cynnwys un perfformiad yn Theatr Bloomsbury, Llundain, ac ar rai nosweithiau dangosir is-deitlau Saesneg.

'Cychwyn taith
Hanner can mlynedd yn ôl, ar 1 Awst 1957, pasiwyd Mesur Seneddol yn rhoi'r hawl i foddi cwm Tryweryn er mwyn creu cronfa ddŵr i gyflenwi anghenion Lerpwl.

Yn ôl rhai, "Tryweryn oedd man cychwyn y daith i hunan benderfyniad a'r Cynulliad Cymreig."

Mae'n drist ar brydiau wrth gyfleu siomedigaeth trigolion y pentref. Gwelwn y syniadau gwahanol o fewn y pentref ynglŷn â sut i ddygymod â'r broblem . Gwelwn deimladau'r plant, y rhieni a'r henoed pan gaewyd yr ysgol.

Yr oedd gwasanaeth olaf y capel yn deimladwy- gyda'r cwestiwn o beth i'w wneud â'r cyrff yn y fynwent.

Daeth y gymuned at ei gilydd er mwyn edrych ar y trên olaf i adael y pentref.

Ond ochr yn ochr â'r darnau trist roedd hiwmor a hwnnw'n ychwanegu at ddyfnder y perfformiad.

Yr oedd y set seml yn effeithiol iawn gyda defnydd da o'r llwyfan. Yn gefndir roedd sgrin fawr gyda lluniau o'r pentref a cherddoriaeth berthnasol i gyd-fynd â hwy.

Defnyddiwyd y sgrin hefyd i ddangos treigl y blynyddoedd o'r penderfyniad i foddi Tryweryn i'r protestiadau - y Swinging Sixties ac Elvis Presley er enghraifft.

Fodd bynnag, nid oedd ffasiynau'r cymeriadau ar y llwyfan yn newid gyda'r blynyddoedd!

Saesneg
Roedd defnydd o'r Saesneg i gyfleu agwedd pobl Lerpwl at y Cymry yn effeithiol hefyd.

Roedd y cast yn llawn talent ac o wynebau cyfarwydd a gadewais y theatr yn meddwl am yr hyn a welais - yr ymdrechion anobeithiol gan y bobl leol a'r canlyniad trist ac anochel a ddilynodd.

Byddwn yn argymell y ddrama hon i bawb gan ei bod yn addas i blant ac oedolion.

Yn sicr, mae'n bwysig cofio'r digwyddiad pwysig hwn yn ein hanes.

Ychwanegwch eich sylwadau i'r dudalen fan hyn: Enw a lleoliad: Sylw: Mae'r Â鶹¹ÙÍøÊ×Ò³Èë¿Ú yn cadw'r hawl i ddewis a golygu sylwadau. Darllenwch sut i wneud y siwr caiff eich sylwadau eu cyhoeddi. I anfon cyfraniad mwy, cysylltwch â ni.