|
Y gwir ydi, bod arna i angen gwneud hyn er mwyn cadw fy hun i fynd,
ond yn fwy na dim er mwyn gwneud Owen yn falch ohona i. Roedd rhedeg y 26.2 0 filltiroedd y peth lleia allwn i ei wneud i
dalu teyrnged i'm gŵr annwyl ac i dad caredig ein plantos bach
ni'n dau. Roedden ni hefyd yn gallu codi arian i helpu eraill.
Roedd Owen wastad yn dweud mod i'n dechra rhywbeth ond
ddim yn cario 'mlaen a gorffen! Dwi'n hynod o falch felly mod i
wedi gallu mwynhau a chwblhau'r ras. Er hynny, mi deimles i
dristwch mawr pan orffennes i, a sylweddoli nad oedd yr un
person roeddwn i wir isio ddim yno.
Hoffai'r pedair ohonon ni ddiolch o galon i bawb am ein noddi ni, gan ymddiheuro nad yw'n bosibl i ni ddiolch yn bersonol am eich caredigrwydd mawr. Yn anffodus, allwn ni ddim dweud ar hyn o bryd faint yn union 'da ni wedi ei hel, gan ein bod ni'n dal
i dderbyn arian. Mi ddwedwn ni wrthoch chi unwaith y byddwn
ni'n gwybod. Roedd gwybod bod 'na gymaint o gefnogaeth yn
hwb mawr i ni ddal ati ac i sicrhau ein bod ni'n cwblhau'r sialens er cof am Owen Robert Jones.
 |
Ìý
